عادي
بقى عادي إننا نكون سلبيين أو مش مهتمين أو دايماً مش فاضيين
بقى عادي إننا نكون عارفين إن بلدنا مليانه مشاكل,ونفضل نتفرج من بعيد وبالكتير ننتقد اللي بيحصل ونحزن على حالنا
لكن نشارك!!!
نشارك إزاي وفي إيدينا ايه...دا اللي بنقوله
ولما تجينا فرصه إننا نشارك في حاجه,نخاف ونقول خلينا ماشيين جنب الحيطه أحسن...ولو مش خوف يبقى سلبيه...ولو مش سلبيه يبقى كسل...ولو مش كسل تبقى ظروفي وظروف شغلي مش مناسبه ومفيش وقت...وعادي يعني أنا اللي حفرق
أبسط مثال للكلام اللي بقوله وبيمسني شخصياً وكتير من زملائي وأصدقائي قضية رفع الحراسه عن نقابة المهندسين
عدد مهندسينك يا مصر أكتر من 450 الف مهندس...اللي عارفين القضيه بضعة الآف,واللي مهتمين بيها بضعة مئات...واللي بيشتغلوا ليها بضعة عشرات
طب إزاي وليه بننتقد حال بلدنا وإحنا حتى مبنحاولش نصلح جزء فرعي من البلد وهي النقابه!!!
إزي وليه بننتقد الفرقه وبنقول الإتحاد قوه وإحنا مش عايزين نتحد علشان نحل مشكلة نقابتنا!!!
إزاي بننتقد السلبيه وعدم الإهتمام بالإصلاح ودي أمراض بنعاني منها!!!
إزاي وليه نفسنا بلدنا تتصلح ونفسنا نشوفها متقدمه وقويه,وإحنا مبنحاولش نقول للغلط لأ!!!
إزاي وليه نفسنا كل واحد ياخد حقه وبننتقد الظلم والفساد,وإحنا مبنحاولش نرفع الظلم اللي علينا وعلى نقابتنا!!!
إزاي وليه نفسنا نضمن إننا نعيش حياه كريمه لما نكبر في السن, ومبنحاولش نساعد في رفع معاش أستاذتنا المهندسين من 250 جنيه ل1000 جنيه وفي نفس الوقت نفسنا إنهم يساعدونا بخبراتهم,وكإننا عندنا كسل حتى إننا نفتح المحفظه ونبعت بياناتنا للمشاركه في رفع معاش المهندسين!!!
إزاي وليه نفسنا الحراسه تترفع عن النقابه وإحنا حتى مش متابعين أخبارها!!!
النهارده كانت إنتخابات نقابة الممثلين,وشوفت واحده من الممثلات بتطالب بمعاش ورعايه طبيه أفضل للممثل لإنه أعطى للبلد الكثير,وحقيقي شكلهم جميل وهما رايحين علشان ينتخبوا وكل واحد بيقول أولوياته ونفسه النقابه تبقى إزاي.
وإنت يا مهندس بتحلم تشوف نقابتك إزاي,وياترى مين اللي حيحققلك أحلامك دي!
فكروا وشاركوا يا مهندسين...دا إنتوا حتى مهندسين
بقى عادي إننا نكون عارفين إن بلدنا مليانه مشاكل,ونفضل نتفرج من بعيد وبالكتير ننتقد اللي بيحصل ونحزن على حالنا
لكن نشارك!!!
نشارك إزاي وفي إيدينا ايه...دا اللي بنقوله
ولما تجينا فرصه إننا نشارك في حاجه,نخاف ونقول خلينا ماشيين جنب الحيطه أحسن...ولو مش خوف يبقى سلبيه...ولو مش سلبيه يبقى كسل...ولو مش كسل تبقى ظروفي وظروف شغلي مش مناسبه ومفيش وقت...وعادي يعني أنا اللي حفرق
أبسط مثال للكلام اللي بقوله وبيمسني شخصياً وكتير من زملائي وأصدقائي قضية رفع الحراسه عن نقابة المهندسين
عدد مهندسينك يا مصر أكتر من 450 الف مهندس...اللي عارفين القضيه بضعة الآف,واللي مهتمين بيها بضعة مئات...واللي بيشتغلوا ليها بضعة عشرات
طب إزاي وليه بننتقد حال بلدنا وإحنا حتى مبنحاولش نصلح جزء فرعي من البلد وهي النقابه!!!
إزي وليه بننتقد الفرقه وبنقول الإتحاد قوه وإحنا مش عايزين نتحد علشان نحل مشكلة نقابتنا!!!
إزاي بننتقد السلبيه وعدم الإهتمام بالإصلاح ودي أمراض بنعاني منها!!!
إزاي وليه نفسنا بلدنا تتصلح ونفسنا نشوفها متقدمه وقويه,وإحنا مبنحاولش نقول للغلط لأ!!!
إزاي وليه نفسنا كل واحد ياخد حقه وبننتقد الظلم والفساد,وإحنا مبنحاولش نرفع الظلم اللي علينا وعلى نقابتنا!!!
إزاي وليه نفسنا نضمن إننا نعيش حياه كريمه لما نكبر في السن, ومبنحاولش نساعد في رفع معاش أستاذتنا المهندسين من 250 جنيه ل1000 جنيه وفي نفس الوقت نفسنا إنهم يساعدونا بخبراتهم,وكإننا عندنا كسل حتى إننا نفتح المحفظه ونبعت بياناتنا للمشاركه في رفع معاش المهندسين!!!
إزاي وليه نفسنا الحراسه تترفع عن النقابه وإحنا حتى مش متابعين أخبارها!!!
النهارده كانت إنتخابات نقابة الممثلين,وشوفت واحده من الممثلات بتطالب بمعاش ورعايه طبيه أفضل للممثل لإنه أعطى للبلد الكثير,وحقيقي شكلهم جميل وهما رايحين علشان ينتخبوا وكل واحد بيقول أولوياته ونفسه النقابه تبقى إزاي.
وإنت يا مهندس بتحلم تشوف نقابتك إزاي,وياترى مين اللي حيحققلك أحلامك دي!
فكروا وشاركوا يا مهندسين...دا إنتوا حتى مهندسين
